අද අපිට විශේෂ දවසක්. ඇයි දන්නවද? අද
අපේ අම්මගේ උපන්දිනේ. දැන් අපේ අම්මට වයස 56ක්. මං එයා වෙනුවෙන් කවි ටිකක් ලීව.
ඔයාලත් කැමති නම් බලන්න. ටිකක් පණ්ඩිත වැඩිද මන්ද. මං එයාට ගොඩක් ගොඩක් ගොඩා.....ක්
ආදරෙයි. එයා තමයි ලෝකේ ඉන්න හොඳම අම්මා. අමතක නොකර ඔයාලත් අපේ අම්මට සුභ පතන්න
හොඳේ.
දෙව්දුව නුඹයි මා සිත සනසන නුඹමයි
සඳවත නුඹයි මසිතට සිසිලස නුඹමයි
රැජිණිය නුඹයි සිත දිරි වඩවන නුඹමයි
අම්මා නුඹයි මගෙ මුළු සවියද නුඹමයි
සඳවත නුඹයි මසිතට සිසිලස නුඹමයි
රැජිණිය නුඹයි සිත දිරි වඩවන නුඹමයි
අම්මා නුඹයි මගෙ මුළු සවියද නුඹමයි
දැනුනු හැඟුමන් මා උපන් දා නුඹට මතක ඇති
මෙවන් දිනයක නුඹේ මව්ටත් එයම දැනෙන්නැති
නුඹේ දිරියද සවිය දැක ඇගෙ සිතට සතුටු ඇති
හොඳම දියණිය නුඹම බව ඈ නිසැක සිතනු ඇති
මෙදා වාගෙම සැමදාම නුඹ මගේ ළඟ වේවා
මතු භවේටත් පතන්නෙමි නුඹ මගේ මව් වේවා
මට සවිය දුන් නුඹට සවියක් වන්ට හැකි වේවා
නුඹ වැනිම අම්මා කෙනෙක් වනු මටත් හැකි වේවා
පතන්නම් මම නුඹට අම්මේ ජයෙන් ජය වේවා
නුඹේ සුන්දර සිනහ සුරැකිව කඳුළු වියැකේවා
නිරෝගී සුව සිතට සැනසුම නිබඳ ලැබ දේවා
සුභ උපන්දින දිගාසිරි ලැබ සතුට රජ වේවා.
(කවි වල හොඳ නරකත් කියන්නකෝ. මේ පොස්ට් එක කලින් දාන්න හිටියේ. ඒත් වෙලාවක් හම්බ වුනේ දැන් තමයි.)
hrime lassani dr..soo sensitive
ReplyDeletethank u so much dr
Deleteසුභ උපන්දිනයක් වේවා අම්මේ .......
ReplyDeleteසුබ උපන්දිනයක් ප්රාර්ථනා කරනවා මෑණියන්ට..
ReplyDeleteගොඩක් ස්තුතියි යාලු අපේ අම්ම වෙනුවෙන්.
Delete