එයද මගේ වරද......?

මා ඔබ හඳුනා ගත්තෙමි.
නමුදු මම ඔබේ සිත හඳුනා නොගත්තෙමි.
එයද මා කළ වරද?
ඔබද මා සිත හඳුනා නොගත්තේය.
මම ඔබට ඇලුම් කලෙමි බෙහෙවින්.

එය අදටත් එසේමය.
ඔබේ හදවතද මා සමග ලබැදිව තිබූ බැව්
මම විස්වාස කරමි මා දන්නා තරමින්.
               එනමුදු අද....
ඒ ලබැදියාවට හෙන ගසා ඇත.
ඒ මන්ද?
පිළිතුරක් නැත.
“ආදරය හා වෛරය අතර ඇත්තේ
                 කෙස් ගසක පරතරයකි.”
මෙයද ඔබ පසක් කරනුයේ මා ඉදිරියේ.
සිතට එකඟව මා වරදක් නොකළ බැව්
මගේ සිත හොඳාකාරවම දනිමි.
කෙසේ වුවද මගේ අතින් ඔබට කවරාකාරයේ හෝ
වරදක් සිදු විනි නම්
ඒ වෙනුවෙන් සමාව අයදිමි. 
 

                                                මීට,

                                                වැල්මී සැවැන්දරා.